Futbollisti i Barcelonës Antuan Grizman pritet të jetë njëri prej lojtarëve kyç në formacionin e Ronald Kuman për sezonin e ri.
Trajneri i ri pritet t'i japë besim maksimal francezit, i cili tashmë duket lideri i ekipit.
Për ta motivuar akoma më shumë, klubi katalanas i ka besuar atij edhe numrin 7, të cilin do ta mbajë veshur në fanelë duke nisur që nga sezoni ardhshëm.
Madje konfirmimi i lajmit ka ardhur në mënyrë krejt unike.
Basketbollisti i famshëm amerikan Kevin Duran ka zbuluar për të gjithë fansat numrin e ri të kampionit të botës, Grizman.
Numrin 7 Grizman e ka mbajtur edhe tek Atletiko Madridi, ndërsa në sezonin e parë te Barça u përfaqësua me numrin 17.
Kujtojmë që ky numër i përkiste Filipe Kutinjos. Tashmë të shohim se çfarë numri do t’i besohet brazilianit pas përfundimit të aventurës te Bajern Mynih.
Thanks @KDTrey5 !!! Un honor vestir el 7 en el Barça! #SomHi #Grie7mann #ViscaBarça https://t.co/c1sk4lHH4D
— Antoine Griezmann (@AntoGriezmann) September 11, 2020