Nuk ka më dyshime. Andre Silva largohet përfundimisht nga Milani. Pas huazimit nës sezonin e fundit te Aintraht Frankfurti, këta të fundit kanë vendosur që të blejnë kartonin e lojtarit përfundimisht.
Sulmuesi portugez shkëlqeu me gjermanët këtë sezon duke shënuar 12 gola, duke i bindur kështu drejtuesit që ta blejnë kartonin e tij.
Pas huazimeve të njëpasnjëshme nga Milani, tashmë Silva largohet përfundimisht nga kuqezinjtë ku u afrua në verën e 2017-ës, por nuk ia doli të gjejë dot shkëlqimim.
Kjo sjell edhe qëndrimin e Ante Rebiç te Milani, me kroatin që pati një shpërthim të madh në fazën e dytë të kampionatit me Milanin, duke fituar zemrat e tifozëve kuqezi.