Arturo Vidal tashmë mund të konsiderohet në të gjitha aspektet një futbollist i Interit. Pas ditëve të gjata bisedimesh, mesfushori kilian është liruar përfundimisht nga Barcelona dhe tashmë pritet të udhëtojë drejt Milanos. Ai ka arritur akordin me Interin për një kontratë 2-vjeçare prej 6 milion eurosh në sezon plus bonuset me opsion rinovimi edhe për një tjetër sezon.
Në orët e ardhshme Vidal do të firmosë edhe zyrtarisht për Interin për t’u vendosur në dispozicion të Antonio Contes. Lojtari ishte një dëshirë e fortë e Contes dhe drejtuesit ia kanë plotësuar atij dëshirën.