Teksa të gjithë mendonin se pas fitores në Bjellorusi, Kombëtarja shqiptare do fitonte me goleadë ndaj Lituanisë, sonte ka ndodhur e kundërta.
Kuqezinjtë janë mundur brenda në shtëpi me rezultatin 0-1, në një ndeshje totalisht zhgënjyese.
Futbollistët e drejtuar nga Edi Reja nuk arritën të krijojnë raste shënimi, kurse kundërshtari shfrytëzoi gabimin e Gjasulës për të marrë tri pikët.
Në minutën e 51’, një top i kthyer gabimisht prapa u konvertua në gol nga Donatas Kazlauskas.
Vlen të cekët gjithashtu që në minutën e 87’ Elseid Hysaj u ndëshkua me karton të kuq duke lënë Shqipërinë me 10 lojtarë.
Pas kësaj humbje, Shqipëria nuk shfrytëzon mundësinë të shkëputet në krye të tabelës së grupit 4 në Ligën C, duke numëruar 3 pikë, aq sa kanë të gjitha skuadrat e grupit.