Një lajm i papritur vjen nga Italia, teksa raportohet se Mario Baloteli po mendon mbylljen e karrierës në futbollin e luajtur. Sulmuesi nuk ka marrë asnjë ofertë pas largimit nga Bresha dhe kjo situatë e ka rënduar psikologjikisht atë.
“La Gazzetta dello Sport” shkruan se ish-futbollisti i Interit, Milanit, Mançester Sitit dhe Liverpulit ndodhet në momentin më kritik të karrierës së tij.
Ai dëshiron që të luajë akoma në futbollin italian, por asnjë prej klubeve duket se nuk ka ndërmend t’i besojë më “Super Marios”, i cili vazhdon të shkaktojë më shumë lajmet për bëmat jashtë sesa për rezultatet në lojë.
I gjetur në këto kushte, ndoshta ai mund të planifikojë mbylljen e karrierës së futbollit në moshën 30-vjeçare.
