Luis Suarez sezonin e ardhshëm do të vishet me ngjyrat bardhezi. Në Itali zbulojnë se uruguajani ka arritur marrëveshjen me Juventusin, teksa operacioni u krye për 10 milionë euro në sezon dhe një kontratë që do e mbajë të lidhur në Torino për 3 vite.
Sulmuesi nuk bën më pjesë në planet e Barcelonës, pasi këtë ia ka komunikuar edhe trajneri i sapoemëruar, Ronald Koeman,
Drejtuesit e Juventusit duket se janë gati të paguajnë një shifër modeste për prishjen e kontratës së Suarez me Barcelonën, për të ruajtur edhe raportet e mira me drejtuesit e klubit katalan në merkato.
Kështu siç konfirmohet nga mediat italiane, klubi i Juves është ofruar të paguajë një shifër prej 7-10 milionë eurosh, për të marrë kartonin e sulmuesit uruguaian, i cili më pas mund të vihet nën urdhrat e Pirlos për të mbajtur peshën e repartit të avancuar.