Është zhvilluar mbrëmjen e djeshme një takim mes presidentit të Barcelonës, Jozef Maria Bartomeut dhe babait e njëkohësisht agjentit të Leo Messit, Jorge Messi.
Siç raporton “El Mundo Deportivo” të dy palët nuk kanë lëvizur nga kërkesat e tyre dhe ka qenë shumë e vëshirë të gjenin një rrugë ndërmjetësimi.
Bartomeu nuk tërhiqet nga pagimi i klauzolës prej 700 milionë euro, dhe nuk pranon që Mesi të largohet falas.
Në krahun tjetër babai dhe agjenti i argjentinasit, Jorge kërkon që klienti i tij të largohet falas pasi pretendon se klauzola prej 700 milionë eurosh ka skaduar.
Prestigjozja spanjolle shkruan presidenti i Barcelonës, Bartomeu i ka ofruar agjentit të Mesit një kontratë dy vjeçare, ndërsa këta të fundit janë të vendosur për largim.