Tërmeti i 26 nëntorit rezultoi fatal për shumë banorë në Durrës, ku mes të tjerave pati viktima dhe shumë dëme në banesat e qytetarëve durrsakë. Sipas ekspertëve, Durrësi është një zonë me aktivitet të lartë sizmik dhe për këtë këshillohet kujdes në ndërtimin e pallateve dhe banesave, por kjo këshillë nuk merret parasysh nga Rilindja për sa kohë që gjendet një sipërfaqe e lirë toke... Ndërkohë dy javë më parë JOQ Albania denoncoi një rast skanadaloz në Durrës, ku po ndërtohej mbi një tokë kënetore dhe gjatë gërmimeve uji kishte dalë në sipërfaqe, gjë që dallohej me sy të lirë.
Toka kënetore ku po kryheshin gërmime për hedhjen e themeleve, ndodhej 10 cm larg pallatit ekzistues. Kjo gjë alarmoi banorët e pallatit, pikërisht për dëmet që mund të merrnin banesat e tyre dhe cilësinë dhe fortësinë e bazamentit të ndërtimit të ri.
Por në një bisedë me inxhinierin e objektit, ai u shpreh se janë marrë të gjitha masat e sigurisë dhe janë bërë studimet përkatëse sizmike dhe gjeologjike, gjë kjo që bie poshtë tërësisht duke shpalosur rezultatet e gërmimeve, të dërguara ditën e sotme në redaksinë e JOQ Albania!
Pallati afër vendit ku po bëhet gërmimi është dëmtuar tej mase dhe muret e shtëpive të banorëve janë ndarë më dysh duke krijuar edhe plasaritje të mëdha në themele e dysheme, ndërsa hapësira e çarjeve zgjerohet dita-ditës duke rrezikuar kështu jetën e banorëve. Personi që ka dërguar mesazhin shprehet se materialet në lidhje me ngjarjen janë referuar në prokurori, por ende asnjë hap nuk është marrë ende nga organet ligjzbatuese.
Punët e Rilindjes, të tilla janë... hapësirat ku toka është e qëndrueshme i përdorin për kulla oligarkët, ndërsa në këneta ndërtojnë gjoja vepra publike në dobi të komunitetit, në toka kënetore duke i ndarë më dysh shtëpitë banorëve të tjerë.
Mesazhi: