Ndryshe nga çfarë propagandohet, situata në institucionet e qeverisjes lokale vijon të shfaqë problematika të shumta. I tillë është fenomeni i zakonshëm që haset nëpër dyert e bashkive dhe zyrave të ndryshme shtetërore, ku qytetarët sorollaten për të marrë shërbimet që ju duhen. Një rast i ngjashëm vjen edhe nga Bashkia e Lushnjës, ku qytetarët sillen rrotull për të marrë një shërbim, madje të dera e bashkisë janë vendosur edhe disa policë, të cilët pengojnë hyrjen e njerëzve në Bashki.
Paradoks i madh në fakt, pasi pikërisht ky institucion që është i krijuar dhe i zgjedhur nga populli për t’i shërbyer, mbyll dyert dhe vendos gardianë për të penguar njerëzit. Siç shihet edhe në video, policët janë të vendosur në zbatimin me përpikmëri të detyrës që kanë marrë për të larguar njerëzit nga Bashkia, dhe deklarojnë se këta të fundit "Mund të hyjnë brenda vetëm nëse shkelin mbi trupat e tyre!"