90-vjeçari vdes nga COVID-19 pak ditë pasi vizitoi gruan e prekur nga virusi

Një burrë ka vdekur nga COVID-19 tre javë pasi vizitoi gruan e tij prej 30 vjetësh në spital për herë të fundit përpara se ajo të ndërronte jetë nga virusi.

Sam Reck, 90 vjeç vdiq në 1 gusht në Qendrën Mjekësore Shëndetësore Rajonale në Lakeland të Floridës, në të njëjtën dhomë ku gruaja e tij JoAnn vdiq në moshën 86 vjeç, në 12 korrik.

Të afërmit e Sam kanë thënë se janë të sigurt se ai kontraktoi virusin nga gruaja e tij, por që ai e dinte rrezikun që po merrte kur vizitoi JoAnn në shtratin e saj të vdekjes.

Holly Reck vajza e Sam tha për USA Today:

Nuk kishte asgjë të cilën ndonjëri prej nesh mund të kishte bërë për ta mbajtur atë larg kësaj. Ai do të kishte arritur vetë atje në një mënyrë ose në një tjetër për ta parë atë. Unë e besoj këtë.

Sam dhe JoAnn njiheshin si 'Romeo dhe Zhulieta' të shtëpisë së pleqve në Lakeland, ku kufizimet e karantinës i detyruan ata të bënin vizita të largëta shoqërore pasi pandemia goditi zonën.

Por kur JoAnn u sëmur nga virusi, Sam ishte i vendosur që të thoshte mirësinë e tij personalisht, megjithë paralajmërimet e mjekëve për gjasat e mëdha që ai gjithashtu mund të sëmurej rëndë si rezultat.

Djali i JoAnn nga martesa e saj e parë, Scott Hooper, kujtoi se kishte folur me Sam pasi u diagnostikua me COVID-19 dhe e pyeti nëse ai pendohej për vizitën në spital.

Pa u menduar u përgjigj: As një sekond. Ai tha pavarësisht se çfarë ndodh, ai ishte shumë i lumtur që pati mundësinë t'i shprehte lamtumirën dhe t'i mbante dorën edhe një herë.

Burimi: Daily Mail | Përktheu dhe Përshtati: JOQ Albania