Një automjet tip “Audi” është përfshirë nga flakët mbrëmjen e sotme në Fier duke shkaktuar frikë tek qytetarët.
Automjeti ishte me sistem benzinë-gaz dhe shpërtheu në flake sapo shoferi doli nga makina.
Mësohet se dy makina të tjera kanë mbetur të dëmtuara nga flakët pasi ishin parkuar pranë mjetit që shpërtheu. Lidhur me ngjarjen ka reaguar dhe policia.
Njoftimi i policisë:
Sot rreth orës 21:45, në lagjen “Apollonia”, Fier, në ecje e sipër ka marë flakë mjeti tip “Audi”, në pronësi të shtetasit R. M., banues në Fier.
Gjatë momentit të rënies së zjarrit, drejtuesi ka ndaluar mjetin në vend ku kanë qën të parkuara edhe 2 mjete të tjera të cilat si pasojë e përhapjes së zjarrit kanë marë flakë dhe janë djegur pjesërisht.
Paraprakisht dyshohet se zjarri ka ardhur ai pasojë e një difekti në mjetin tip “Audi”.
Në vendngjarje ndodhen forcat e policisë dhe shërbimi zjarrfikës të cilët bën të mundur shuarjen e zjarrit.
Po punohet për përcaktimin e shkaqeve të rënies së zjarrit.
