Protestuesit në Bejrut kanë pushtuar ministritë e qeverisë, hodhën zjarre dhe u ndeshën kundër forcave të sigurisë në një demostrim zemërimi drejtuar drejtuesve të Libanit pas shpërthimit të madh që ndodhi në qytet këtë javë.
Në një përpjekje për tërheqje, Kryeministri i Libanit Hassan Diab tha se ai do të propozojë zgjedhje të parakohshme. Ndërsa protestuesit morën përsipër Ministrinë e Jashtme të vendit, duke qeshur me gëzim për kamerat televizive në dhomat e saj me dysheme mermeri.
Por gjendja shpirtërore në rrugë ishte jashtëzakonisht e errët dhe e dëshpëruar.
Tragjedia e së martës, duke lënë të paktën 158 njerëz të vdekur, ka ngjallur zemërim midis popullatës, tashmë duke u tërhequr nga kolapsi ekonomik që e ka shtyrë pjesën më të madhe të klasës së mesme në varfëri dhe shkatërrim nga dekada të korrupsionit politik dhe kronizmit.
Zemërimi është drejtuar në spektrin e plotë të fraksioneve politike të Libanit, përfshirë milicinë e fuqishme shiite Hezbollah, për të cilën besohet gjerësisht se ka kontroll mbi portin ku 2750 ton metrikë nitrat amoniumi dhe shumë eksploziv u vendosën të pasigurta për më shumë se gjashtë vjet.
Tensionet shpërthyen sapo protestuesit filluan të mblidheshin në sheshin qendror të Dëshmorëve. Ushtarët dhe forcat e policisë qëlluan me gaz lotsjellës dhe protestuesit hodhën gurë, duke shtuar gjakderdhjen për një qytet që tashmë ka derdhur tepër.
Ndërtesës së Ministrisë së Ekonomisë dhe Mjedisit, ju vu në zjarri. Ndërsa natën nga flakët u përfshi një kamion në sheshin qendror.
Ambulancat transportuan demonstruesit e plagosur së fundmi në spitale.
Kryqi i Kuq tha se të paktën 65 njerëz janë dërguar në spitale dhe më shumë se 188 janë trajtuar në vendin e ngjarjes. Forcat e Brendshme të Sigurisë në Liban thanë që një prej oficerëve të saj vdiq pasi u fut në një bosht ashensor.
Burimi: Washington Post | Përktheu dhe Përshtati: JOQ Albania