7 gushtin e vitit 2009, Dritan Dajti ekzekutoi me saktësi dhe gjakftohtësi katër policë nga grupi që kishin shkuar për ta arrestuar. Procesi i gjykimit të Dajtit zgjati plot 10 vite ku në më shumë se 275 seanca gjyqësore, i pandehuri luajti me boshllëqet në legjislacionin shqiptar.
Pas vendimit me katër burgime përjetshme korrikun e vitit 2014, dënim që u ulë në mënyrë drastike në shkurt të vitit 2019 me 25 vite burgim. E duke vazhduar në këto ritme, Dritan Dajti mund të përfitojë në të tjera ulje dënimesh. Një drejtësi e munguar në nder të katër policëve por pa harruar edhe lojën politike. Ka qenë Lulzim Basha i cili në një reagim në rrjete sociale ka nxitur të ashtuquajturat përplasje politike për drejtësi në vend.
Basha shkruan:
Gjatë këtyre 7 viteve në koordinim me narkoqeverinë janë kryer të gjitha makinacionet dhe skemat për të blerë lirimin e Dritan Dajtit, vrasësit të 4 policëve. Një shoqëri ku krimi dhe qeveria bashkëjetojnë e ndajnë favore nuk mund të ketë kurrë paqe dhe zhillim. Ndarja e politikës nga krimi, dhe goditja pa mëshirë e krimit të organizuar është detyrimi ynë më i madh.
Nga ana tjetër Taulant Balla, përfitoi nga ‘zgjimi’ i kryedemokratit duke u krenuar për qeverisjen dhe punën e saj shëmbullore në vënien e drejtësisë.
Taulant Balla shkuran:
Ne nuk harrojmë se dora kriminale e lidhur me LBPD në zgjedhjet e 2009, u mbështet nga “komandanti” policisë që tradhëtoi dëshmorët. Ky u gradua&promovua nga Lulezim Basha Ministër i Brendshëm vetëm një muaj më pas. Drejtësia vonon, por s’harron.
Edhe Edi Paloka përfitoi nga rasti për të marrë pak vëmendje duke ngritur dyshime si gjithmonë ndaj qeverisë, por pa bërë asgjë si opozitë e shqiptarëve.
Edi Paloka shkruan:
Pse i dogji Taulant Ballës reagimi i Lulzim Bashës? Pse kërkoi Balla ta heqë vëmendjen nga politikanët qe po blejnë lirinë e Dritan Dajtit përmes gjyqtarëve dhe prokurorëve të kapur prej tyre? Kë po mbron Taulant Balla dhe pse i intereson kaq shumë lirimi i Dritan Dajtit? Çfarë di ai për komunikimet e shefit të tij me Dritan Dajtin në burg? A ka lidhje me tenderat që Dritan Dajti po fiton nga burgu? Sa për të tjerat, 7 vite në pushtet kanë qenë të mjaftueshëm për të zbardhur gjithçka lidhet me këtë ngjarje, pas të cilave Taulant Balla kërkon të fshehë krimin e lirimit të Dritan Dajtit dhe rivrasjen për së dyti të 4 oficerëve të policisë.
