Dhjetra protestues në Beirut kanë hyrë në Ministrinë e Jashtme gjatë një demonstrimi mbi shpërthimin e madh të së martës, që la të paktën 158 të vdekur. Disa mijëra njerëz janë në rrugë në një protestë të planifikuar, por ka pasur dhunë. Policia hodhi gaz lotsjellës ndaj demonstruesve që gjuanin me gurë.
Ndërkohë në një fjalim televiziv, kryeministri Hassan Diab tha se do të kërkojë zgjedhje të parakohshme, si një rrugëdalje nga kriza. "Ne nuk mund të dalim nga kriza strukturore e vendit pa mbajtjen e zgjedhjeve të parakohshme parlamentare," tha ai. Çështja do të diskutohet në kabinet të hënën.
Shumë libanezë janë të zemëruar nga dështimi i qeverisë për parandalimin e shpërthimit të mbi 2,000 ton nitrat amoniumi. Një grup kanë djegur një fotografi të presidentit Michel Aoun dhe kanë hyrë në Ministrinë e Jashtme duke kërkuar që të gjitha ministritë të okupohen. Protestuesit kanë për qëllim të qëndrojnë për aq kohë sa të jetë e mundur dhe të pushtojnë edhe ministri të tjera.
Burimi:BBC|Përktheu dhe Përshtati: JOQ Albania