Një burrë nga Edinburgu zbuloi se ishte i vetmi nga familja e tij që i kishte mbijetuar Covid-19. Kjo është historia e trishtë e një 43 vjeçari nga Edinburgu, të quajtur Scott Miller. Nëna dhe bashkëjetuesi i saj, kishin ndërruar jetë ndërsa ai ishte ende në koma. Scott Miller ishte i sëmurë në mënyrë kritike në kujdesin intensiv, kur nëna e tij dhe partneri i saj vdiqën nga virusi. Ai nuk dinte asgjë për vdekjen e tyre derisa doli nga koma.
Kur unë isha në terapi intensive duke luftuar për jetën, nëna ime ishte në repartin e katit të poshtëm dhe po dilte nga spitali, tregon 43-vjeçari. E njëjta gjë dhe për bashkëjetuesin e Normës, që jetonte në të njëjtën shtëpi me Scott, i cili ndërroi jetë në moshën 69 vjeçare pasi ishte infektuar me koronavirus. Një ambulancë e çoi në Edinburgh Royal Infirmary, ku më pas ajo testoi pozitive për Covid-19. Scott e vizitoi atë në repart, por nuk mund të kujtojë asgjë në lidhje me të. Edhe ai u sëmur me koronavirus dhe deri në fund të javës ishte në të njëjtin spital, i sëmurë në mënyrë kritike në gjendje kome.
Pas tre javësh në kujdes intensiv, gjendja e Scott u përmirësua. Ai doli nga koma dhe mësoi lajmin e hidhur. Çdo gjë nisi kur 21 mars kur Norma rezultoi e infektuar me koronavirus. Një javë më pas ishte radha e Scott. Sharlene Miller, kunata e 43-vjeçarit shprehet se mjekët i kishin thënë që ai nuk do të mund të jetonte.
Scott tashmë është shëruar dhe ndodhet në gjendje të mirë shëndetësore, por e ka ende të vështirë për të pranuar realitetin. “Kur u zgjova ndjeva një ndjenjë të çuditshme, sikur diçka i kishte ndodhur nënës time. Kur infermieri më tregoi për situatën u shokova. Ishte shumë e vështirë. Është e pabesueshme që ky virus i mori jetën dy njerëzve të mi të dashur”, u shpreh ndër të tjera 43 vjeçari.
Burimi:BBC|PërktheudhePërshtati: JOQ Albania