Dy pistoleta janë gjetur sot gjatë aksionit të zhvilluar për gjetjen e thikës me të cilën Xhulio Hoxha dhe Euglen Halili kishin ekzekutuar Regis Runaj-n.
Pistoletat janë gjetur pranë lumti Shkumbin nga polumbarët ndërsa dyshohet se mund të jenë hedhur në lumë për të humbur gjurmët e një ngjarjeje kriminale.
Policia është duke hetuar rastin ndërsa mësohet se deri në këto momente nuk dihet në cilën ngjarje kriminale janë përdorur ato dhe nuk dihet as prej kujt.
Sot policia njoftoi zbardhjen e vrasjes së të riut Regis Runaj në qytetin e Elbasanit, ku në pranga kanë rënë dy autorët e dyshuar për ngjarjen.
Kujtojmë se Runaj u masakrua me thikë në një zonë pranë varrezave të qytetit të Elbasanit ndërsa autopsia tregoi se ishte përpjekut t’i mbijetonte sulmit duke u përleshur me agresorët.
