Xhami dhe mbeturinat nga shpërthimi i së martës në Beirut, plagosën Imad Khalil dhe Lina Alameh, por të dy thonë se ata janë vërtetë me shumë fat që akoma janë gjallë. Ata tani janë të shtruar në një spital dhe po kurohen nga plagët e marra gjatë shpërthimit të fuqishëm. Lina iu nënshtrua një operacioni prej tre orësh, nëdërsa Imad ishte më shumë i dëmtuar dhe iu desh një kohë më e gjatë prej 10 orësh, pasi operacioni ishte i vështirë. Ata janë ndër mijëra mijëra njerëz në të gjithë Beirutin që u plagosën nga shpërthimi. Apartamenti i tyre, të cilin e blenë vetëm dy vjet më parë, tani është thuajse i shkatërruar.
Ata thanë se zjarri në port nisi i vogël, ndërsa filloi të përhapej me shpejtësi. Ata e filmuan gjithçka nga ballkoni i shtëpisë së tyre, vetëm 640 metra larg. Madje ata ishin live në rrjetet sociale në momentin e shpërthimit, ndërsa ajo thirri: Çfarë është kjo zhurmë? Hyr brenda, futu brenda! Imad, futu brenda! “.Lina u shpreh se Imad nuk i përgjigjej asaj dhe dukej sikur ishte i tronditur. Shumë shpejt, filluan të shfaqeshin shpërthime të ngjashme me fishekzjarrët.
Tridhjetë e tre sekonda pas shpërthimit të parë, ndodhi shpërthimi i dytë. “Gjithë sa mbaj mend është se fluturova në ajër”, tha Imad. Lina tha se ishte hedhur përmes një dere qelqi, dhe theu bërrylin, preu një tendinë dhe u plagos në shpinë. Për më tepër, ajo kishte prerje të shumta në trupin e saj. Imad mori dëmtime të rënda dhe pjesa më e madhe trupit iu fashua. Ai kishte plagë nga koka në këmbë, me prerje të rënda në kyçin e këmbës dhe gjunjët dhe një frakturë komplekse në kofshën e djathtë.
Lina kërkoi ndihmë dhe një polic i ndihmoi të zbrisnin Imad-in nga kaati i 11-të i pallatit. Shpërthimi ishte aq i fuqishëm, sa që jashtë, fasada e ndërtesës e gjithë anës së portit është thyer komplet.
Burimi:CNN|PërktheudhePërshtati: JOQ Albania
