Është zbardhur dëshmia e dhënë në polici nga Saimir Shera, një prej vëllezërve të arrestuar për vrasjen e taksistit 71-vjeçar Abdulla Budlla.
Sipas dëshmive të mëparshme, mësohet se i moshuari kishte pasur lidhje intime me nënën e dy vëllezërve. Saimiri ka deklaruar se nuk e ka duruar dot këtë fakt, madje i moshuari kohët e fundit kishte nisur t’i ngacmonte edhe të motrën.
Dëshmia:
Vrasjen e bëra unë. Vëllai më ndihmoi vetëm me transportin. Nuk mund të duroja më. Gjithë fshati e dinte për lidhjen e nënës sime me Abdullain. Prej vitesh fjalët qarkullonin në fshat. Kam ikur nga Shqipëria prej fjalëve. Kur u ktheva u zhvendosa në një shtëpi më vete. Pak ditë më parë mora vesh që Abdullai kishte ngacmuar dhe motrën dhe nuk durova më. Mora kallashnikovin që e kisha të fshehur që në 1997, njoftova vëllain të vinte me makinë dhe sapo e pashë Abdullain tek vendqëndrimi i taksive tek Lapidari e qëllova. Pas krimit u largova në Fushë Krujë. Rrugës pashë një kamion me skrap dhe e hodha armën aty.
Kujtomë se një ditë më parë dy vëllezërit u arrestuan nga policia ndërsa ata e pranuan krimin.Ata kanë thënë gjithashtu se ishin përpjekur të zgjidhnin konfliktin me viktimën, duke biseduar me të.
