Një ngjarje e rëndë ka ndodhur mbrëmë në Itali. Një tridhjetë vjeçar shqiptar, vdiq mbrëmë duke rënë nga një ndërtesë në Santhià (Vercelli), një provincë në Itali, ku me një bashkëpunëtor po tentonte të vidhte një shtëpi. Ata kanë shfrytëzuar mungesën e pronarëve të shtëpisë, pasi ndodheshin me pushime.
Ndërkohë kanë qenë banorët e pallatit që kanë dëgjuar zhurmat dhe kanë lajmëruar policinë. Pas mbërritjes së karabinierëve, njëri nga hajdutët ka arritur të ikë, ndërsa tjetri, i identifikuar si shtetas shqiptar, ra nga 9 metra lartësi, në kangjellat që ndodheshin aty pranë. Ai ndërroi jetë nga dëmtimet e rënda, teksa transportohej me helikopter në një spital të Torinos.
Burimi:ilmessaggero.it|Përktheu dhe Përshtati: JOQ Albania