Janë eksplantuar dy veshkë nga një pacient 46 vjeçar, tek i cili dje ishte konfirmuar vdekje e trurit. Ministri i Shëndetësisë, në Maqedoninë e Veriut, ka njoftuar se në vijim është transplantimi i parë i veshkës tek një vajza 35 vjeçare, me ç'rast do të ketë edhe transplantim të dytë.
"Për fat të keq, kësaj radhe nuk patëm pranues të përshtatshëm të zemrës dhe ajo nuk do të transplantohet. E falënderoj familjen e donatorit, e cila në momentet e dhimbjes më të madhe vendosi t’i dhurojë organet dhe t’i shpëtojë të paktën dy jetë. Të sillet vendim të dhurohen organet e të afërmit në momentin kur e humbisni përgjithmonë është e vështirë. Duhet shumë fuqi, shumë dashuri dhe humanitet të mendoni për jetën e dikujt tjetër kur e humbisni më të dashurin. Njerëzit të cilët sjellin vendime të tilla janë të veçantë. Jemi falënderues pa fund që edhe një herë na dëshmuam se jeta megjithatë mund të falet", tha Filipçe.
Më 23 maj nga një donator i vdekur u transplantuan një zemër dhe veshkë.
"Paraprakisht pati edhe katër transplantime të veshkave nga një donator i gjallë. Në kohën kur sistemi shëndetësor është nën presionin e pacientëve me Kovid-19, Programi për transplantim vazhdon të realizohet", kumtoi Ministria e Shëndetësisë.