Fernando Alonsos nuk i ndahet shpirti nga Formula 1 dhe do të rikthehet sërish. Piloti spanjoll, pas një pauze të shkurtër ka vendosur të bashkohet me skuderinë e Renault.
Kjo do jetë hera e tretë që Alonso garon për skuderinë franceze.
Fernando Alonso prej disa kohësh kishte nisur të merrej me gara të tjera për makina si "Indianapolis 500" dhe "Le Mans", para se të vendoste të rikthehej sërish në Formula 1.
38-vjeçari ka nënshkruar një kontratë tre vjeçare me Renaultin deri në vitin 2023 ku do përfitojë 10 deri në 15 milion euro në vit, në varësi të paraqitjeve.
Gjithsesi, një klauzolë në kontratën e firmosur, e lejon atë largohet nëse e shikon të arsyeshme.
Fernando Alonso e ka fituar dy herë Formula 1 në vitet 2005 dhe 2006 dhe është një nga pilotët më të mirë të këtij sporti.