Milani ka bërë surprizën e madhe mbrëmjen e sotme ndaj Juventusit duke arritur një përmbysje të çmendur brenda 6 minutave.
Kuqezinjtë zhvlerësuan golat e Rabio dhe Ronaldos duke shënuar plot 4 herë, ndërsa 3 gola u shënuan në harkun kohor të një 6 minutëshi.
Ibrahimoviç me penallti dhe më pas Kessie me Leaon përmbysën në mënyrë të pabesueshme rezultatin e supersfidës.
Për të vulosur ndeshjen mendoi kroati Rebiç, i cili dëshmoi sërish se është “snajper vrasës” teksa realizoi dhe golin e katërt.
Ky gol i dha qetësinë Milanit për të administruar qetësisht avantazhin dhe për të marrë një fitore të madhe që e afron me Europën.
Nga ana tjetër, Juventusin nuk e dëmton shumë kjo humbje pasi edhe Lazio humbi duke bërë që distanca me vendin e dytë të jetë sërish 7 pikë.