Sulmuesi i Sevillas, Lucas Ocampos është kthyer në një hero të padiskutueshëm për ekipin e tij në ndeshjen e mbrëmjes së djeshme ndaj Eibarit, të fituar me rezultatin 1-0.
Ishte pikërisht Ocampos që shënoi golin e vetëm dhe të fitores për Sevillan, në një ndeshje shumë të luftuar.
Megjithatë ish-sulmuesi i Milanit nuk shkëlqeu vetëm në sulm, por edhe si portier.
Në minutat e fundit portieri i Sevillës u dëmtua dhe trajneri i kishte kryer të gjitha zëvendësimet, me Ocampos që vendosi të marrë rolin e portierit.
Ishte pikërisht sulmuesi argjentinas, i cili në minutën e 99-të të ndeshjes bën një pritje shumë të bukur, duke i siguruar fitoren ekipit të tij.
Padyshim heroi i ndeshjes:
