Zërat për largim, presidenti i Barcelonës merr vendimin përfundimtar për Leo Messin

Presidenti i Barcelonës, Josep Maria Bartomeu, është përgjigjur ndaj zërave që thonë se Lionel Messi dëshiron largimin nga Barcelona.

Gjatë gjithë javës së kaluar është raportuar për një largim të argjentinasit nga Barcelona në fund të sezonit tjetër, por këtu duket të mos ketë asgjë të vërtetë.

Bartomeu ka thënë se Lionel Messi dëshiron që karrierën e tij ta mbyllë me skuadrën e Barcelonës dhe kjo është dëshira e të gjithëve.

Ai tha:

Nuk do të jap detaje, por Messi gjithnjë ka thënë se do të përfundojë karrierën e tij te Barcelona. Ne jemi të fokusuar në garën për titull dhe nuk ka negociata me lojtarët. Messi dëshiron të vazhdojë dhe dëshiron ta mbyllë karrierën këtu. Ai ka disa vite të mbetura dhe ne do ta shijojmë sa më gjatë që mundemi.

Zërat se Messi do të largohet kanë qarkulluar shpeshherë viteve të fundit, por argjentinasi gjithmonë ka përfunduar duke nënshkruar kontratë të re. Mbetet të shihet se si do të ecin punët kësaj radhe për argjentinasin dhe skuadrën e Barcelonës.