Një jetë te Barcelona, por duket se ka ardhur momenti që Lionel Messi të largohet nga Barcelona.
Mediat spanjolle raportojnë se Messi nuk është i lumtur me klubin dhe investimet e pakëta që bëhen për të përforcuar skuadrën, në kohën që kanë humbur kampionatin dhe rrezikojnë që pas shumë vitesh të mos fitojnë asnjë trofe.
Kontrata e Mesit mbaron në vitin 2021 dhe siç raportohet, “pleshti“ ka kërcënuar me mosrinovim.
Skuadra favorite për ta transferuar është Mançester City për shkak edhe të marrëdhënies së shkëlqyer mes Messit dhe Guardiolës.
Megjithatë, këto ditë Juventus ka shfaqur një interes mjaft të madh për sulmuesin e Barcelonës, në mënyrë që të bëjë bashkë dy ikonat e futbollit, Messin dhe Ronaldon.
Kjo dyshe do të ishte më e mira në histori, pasi së bashku të dy lojtarët renditen tek më të mirët në botë, dhe e kanë fituar "Topin e Artë" 11 herë.