Aventura e Mario Balotellit tek Brescia ka marrë fund pas raporteve jo të mira me drejtuesit e ekipit.
Tashmë sulmuesi italian do të kërkojë një skuadër tjetër, pasi CV-ja e tij është shumë e larmishme dhe vijon të jetë i preferuar në merkato.
Mediat raportojnë se italiani ka një ëndërr në sirtar që nuk i është bërë ende realitet, por mund ti bëhet tani. Balotelli ëndërron të veshë fanellën e Boca Juniorsit në Argjentinë.
Ai madje ka vënë në lëvizje edhe rrethin e tij shoqëror për të kontaktuar klubin e famshëm argjentinas mbi një transferim të mundshëm atje.
Sipas “TYC Sport” Balotelli po kërkon të kontaktojë Roman Rikelmen që është zëvendëspresident tek klubi i argjentinas mbi mundësinë e një kalimi tek Boca.
Klubi po kërkon të përforcohet pasi kërkon të fitojë Kupën Libertadore dhe emri i Balotellit mund të jetë njëri prej përforcimeve.
