Antoine Griezmann u largua verën e kaluar nga Atletico Madrid, për t'iu bashkuar Barcelonës, por mesa duket ky vendim nuk ka rezultuar dhe aq i suksesshëm.
Ylli francez kishte kaluar kohë të mira te Atletico, duke qenë lojtari kryesor i skuadrës, por te Barcelona, gjërat janë ndryshe, pasi francezi nuk preferohet më në formacionin titullar.
Kjo u duk edhe në ndeshjen e fundit e Barcelonës kundër Atleticos, me Quique Setien që vendosë aktivizimin e lojtarit vetëm në minutën e 90′ të ndeshjes.
Ky zëvendësim befasoi edhe trajnerin e Atletico Madrid, Diego Simeone. Mediat në Spanjë kanë kapur këtë moment, me reagimin e dëshpëruar të Simeones kur sheh ish yllin e skuadrës së tij, që inkuadrohet në lojë vetëm pas minutës së 90′, në ndeshjen më të rëndësishme të sezonit dhe si për t'i treguar se gaboi që u largua nga Atletico.
