Vendasit patën një fillim shumë të mirë, kur pas 30 minutash lojë e panë veten në epërsinë e dy golave. Mattia Valoti shënoi për 1-0 në minutën e 13’, ndërsa Sergio Floccari në minutën e 30, dyfishoi rezultatin me një super gol.
Nga minuta e 43’, SPAL luajti me një lojtar më pak, pas ndëshkimit me karton të kuq të Marco D’Alessandro. Me një lojtar më tepër në fushë, Milan kishte një pjesë të dytë më të mirë, por për të marrë një pikë, vuajti jo pak.
Ishte Rafael Leao që në minutën e 79′, ngushtoi në 2-1 epërsinë. Në minutat shtesë të ndeshjes, Francesco Vicari shënoi autogol, për barazimin 2-2 duke vulosur dhe krejt takimin.
Me fitoren e sotme, Milani mban vendin e 7 në klasifikim me 43 pikë, vetëm 2 pikë larg Napolit, por këta të fundit kanë një ndeshje më pak. Duket se objektivi Europë do jetë i vështirë për Milanin edhe këtë sezon.