JOQ Albania
Home

Situatë kaotike te klubi kazak, 25 futbollistë infektohen me koronavirus
Shkruar nga: K Demiraj | Publikuar më: 29/06/2020 20:41

  • Share
  • Share
  • Share
  • Share

Koronavirusi vazhdon të jetë pengesë e madhe për futbollin. Së fundmi, klubi i Kaisar në Kazakistan është tronditur nga një lajm ku pas testeve të kryera 25 lojtarë kanë rezultuar me koronavirus.

Lojtarët janë 10 nga ekipi i parë dhe të tjerët nga ekipi i dytë. Kjo vjen vetëm 2 ditë para rifillimit të kampionatit në Kazakistan, i cili është planifikuar për ditën e mërkurë.

Kaisari ishte planifikuar të luante me Tarazin ditën e mërkurë, por për shkak të rasteve të reja të konfirmuar me Koronavirus ndeshja është shtyrë, pasi nuk bëhej fjalë për 1 apo 2 lojtarë, por për plot 25 lojtarë.

Kujtojmë se në këtë klub aktivizohet edhe Artur Rexhinaldo, i cili në sezonin e kaluar shkëlqeu në Superiore, por nuk dihet nëse sulmuesi nga Mozambiku është një nga të infektuarit.