Muajt e fundit në Shqipëri disa raste përdhunimesh kanë tronditur mbarë opinionin publik.
Dy ndër ngjarjet më të rënda ishin abuzimi seksual i një vajze 17-vjeçare nga një i moshuar në Sarandë dhe rasti më i fundit zbulimi i përdhunimit të një të miture 15-vjeçare në Babrru, e cila u përdhunua dhe abuzua seksualisht nga roja e shkollës dhe tre djem të tjerë për një kohë të gjatë.
65-vjeçari, Abaz Dogu filmoi aktin intim me të miturën dhe ua shpërndau videon tre djemve të tjerë, të cilët gjithashtu e përdhunuan 15-vjeçaren duke e kërcënuar se do ta publikonin videon në rrjet.
Ajo që vlen të theksohet është se rastet e përdhunimeve në Shqipëri po rriten gjithnjë e më tepër, ndërsa rasti më i fundit ishte një këmbanë alarmi për institucionet përkatëse që të marrin masa që ngjarje të tilla të parandalohen ose të evidentohen në kohë dhe fajtorët të dalin përpara drejtësisë.
Në lidhje me këtë situatë të rënduar, ku "babëzia seksuale" në vendin tonë duket se është në përmasa alarmante, kryesisht tek moshat e vjetra, të cilët kanë qenë protagonistë në ngjarjet më të fundit, JOQ Albania ka zhvilluar një sondazh me temë:
Si janë përgjigjur shqiptarët?
Në sondazh kanë marrë pjesë më shumë se 13 mijë e 600 shqiptarë, ku 73% e tyre janë dakord për legalizimin e shtëpive publike, ndërsa 27% të tjerë janë kundër.
Mesa duket, shumica e shqiptarëve duan që shtëpitë publike të legalizohen edhe në Shqipëri, ashtu siç në shumë vende perëndimore ka ndodhur.
Megjithatë, vlen për t'u diskutuar nëse një gjë e tillë do të sillte më shumë efekte pozitive apo negative në shoqëri dhe nëse do të ndihmonte në reduktimin e rasteve të përdhunimeve, abuzimeve dhe ngacmimeve të grave, vajzave e minoreneve.
