Të tjera dëshmi tronditëse kanë mbërritur në redaksinë e JOQ Albania, në lidhje me ngjarjen e rëndë që u zbulua së fundmi, ku një 65-vjeçar kishte abuzuar e dhunuar seksualisht një vajzë 15-vjeçare.
Pas abuzimit me të miturën, 65-vjeçari i identifikuar si Abaz Doga, e filmoi skenën e turpshme dhe videon ia shpërndau tre të rinjve, të cilët më pas e shantazhuan 15-vjeçare, duke e përdhunuar atë. I moshuari jetonte në të njëjtën lagje me të miturën dhe shtëpitë e tyre ishin shumë afër. Përdhunimi i të miturës nga i moshuari ndodhi në shtëpinë e vëllait të Dogës.
Ndërkohë, një tjetër fqinje e adoleshentes ka folur ekskluzivisht për JOQ Albania. Ajo rrëfen se të gjithë në lagje e dinin se 65-vjeçari ishte maniak seksual.
Ajo shprehet se të gjitha dëshmitë dhe informacionet e shpërndara në media për 65-vjeçarin janë të vërteta dhe se e gjithë lagja e dinte se si ai është.
Vajza, e cila ka qenë ish-nxënëse rrëfen se kur ishte roje te shkolla, 65-vjeçari u shkonte nga pas vajzave dhe disa prej tyre i kapte në vende intime (gjoks), duke bërë sikur tallej me to.
Më tej, ajo thotë se kohët e fundit ai ishte bërë endacak dhe shiste hekura e bidona, pasi djali i tij nuk e pranonte në shtëpi.
Më herët, JOQ Albania publikoi një tjetër dëshmi, ku një tjetër banor i lagjes tha se i biri e kishte rrahur 65-vjeçarin për arsye se ai ngacmonte vajza të mitura.
Dëshmia e plotë:
