Ujku, ujku, thërrasin njerëzit! Me të drejtë mendojnë se ujku është në Tiranë, por nuk duhet harruar se gjithashtu është edhe çakalli jashë Tiranë, që “shqyen” thelat e tenderave të dhëna edhe nga bashkitë e tjera. I tillë është rasti i Bashkisë Belsh e cila i ka dhënë rreth 4 milionë euro tender kompanisë së vëllait të komandantit të Gardës së Republikës.
Kështu nëpërmjet tenderit me numër reference REF-55040-03-26-2020 që ka për objekt “Linja kryesore për furnizimin me ujë dhe rrjeti shpërndarës i ujësjellësit për qytetin e Belshit” Faza III”, në datë 13.05.2020 është bërë njoftimi i klasifikikimit ku fitues ka rezultuar bashkimi i operatorëve ekonomikë Ergi sh.p.k. & 2T sh.p.k. Vlera e fondit limit ka qenë 481,080,974 lekë të reja pa TVSH ndërsa fituesi ka ofruar vlerën 474,517,615 lekë të reja pa TVSH.
Ndërkaq vihet re se në garë kanë marrë pjesë vetëm 2 garues në total dhe tenderin e ka fituar firma që ka ofruar çmimin më të lartëm pikërisht firma e vëllait të komandantit të Gardës së Republikës. Firma tjetër ka ofruar vlerën prej 439,673,767 lekë pa TVSH, pra rreth 348 milionë lekë të vjetra më pak se fituesi dhe rezulton të jetë skualifikuar për mungesë dokumentacioni.
Është pikërisht firma “2T” shpk që administrohet nga Artan Sako i cili raportohet të jetë vëllai i Gramos Sakos, komandant i Gardës. Artan Sako rezulton gjithashtu edhe pronar me 50% të aksioneve në këtë kompani. Nëse i referohemi të dhënave publike del se kompania “2T” shpk ka marrë jo pak por rreth 11 milionë euro tendera në vetëm 5 vitet e fundit.
Nuk qenka dhe aq keq të jesh vëllai i komandantit të Gardës apo jo?
