Një tjetër tender me vlerë rreth 630 milionë lekë të vjetra me TVSH është dhënë nga Redi Molla dhe Lali Leku në atë që duket një abuzim i pastër me paratë e taksapaguesëve të kryeqytetit. I paparë Lali Leku. Jo më kot i ka dalë edhe emri. Duket se nëpërmjet Ujësjellës Kanalizime Tiranë, shkurt UKT, ai ka gjetur mënyrën për të bërë qoka dhe për të shpërdoruar paratë tona.
Të shumta janë tenderat e dhëna nga kjo kompani të cilësuara si të dyshimta. Siç dihet, UKT është në varësi direkte të Bashkisë Tiranë. Kështu me tenderin me referencë REF-54280-03-12-2020 që ka për objekt “Përmirësim furnizimi me ujë në bllokun e kufizuar nga rrugët Rr.”Robert Shvarc”, “Liman Kaba”, “Skënder Luarasi” dhe “Hasan Alla”, fitues është shpallur një kompani nga Lushnja me emrin “SENKA” sh.p.k.
Kompania në fjalë duket se i ka mirë punët me Rilindjen pasi vetëm ne 5 vitet e fundit ka fituar jo pak por rreth 15 milionë euro tendera. Nga të dhënat publike rezulton se administratorë të kompanisë janë Ergys Senka dhe Laert Shehu. Ky i fundit rezulton gjithashtu se ka qenë administrator deri në tetor të vitit 2019 edhe i kompanisë “VICTORIA INVEST” SHPK, një tjetër “peshkaqen” i tenderave të Rilindjes, e cila po në 5 vitet e fundit ka marrë tendera në vlerë mbi 15 milionë euro.
Nuk do ishte çudi që pas të dyja kompanive të fshihen të njëjtët pronarë, siç ndodh rëndom në kompanitë që marrin pjesë në tendera. Gallata vijon me faktin se në tender kanë marrë pjesë zyrtarisht 7 kompani, nga të cilat njëra prej tyre ka ofruar vlerën zero, ndërsa dy të tjera kanë ofruar vlerë më të ulët se kompania fituese. Sigurisht që jane skualifikuar për mungesë dokumentacioni.
Ndërkohë në zonën ku do të bëhën punimet sipas këtij tenderi, banorët raportojnë pranë JOQ Albania se asfalti është çarë disa herë në të kaluarën dhe me sa duket ka ardhur koha që të çahet përsëri. Bravo lali!