Mjekët në Arizona dyshuan se kolegu i tyre Karl Viddal do të ndërronte jetë. Ventilatori tashmë nuk ishte i mjaftueshëm për mushkëritë e tij. Mjeku 46-vjeçar ishte i infektuar me Covid-19 kur shkoi në spitalin Phoenix dhe fjendja e tij u përkeqësua shumë shpejt. Kolegët e tij e qetësuan dhe provuan një sërë mënyrash për ta qetësuar 46-vjeçarin që më parë kishte kuruar pacientët me koronavirus.
Kur nuk lanë asgjë pa provuar, mjekët përdorën oksigjenimin e membranës ekstrakorporale ose ECMO, një teknikë e komplikuar që nuk është gjerësisht e disponueshme në Shtetet e Bashkuara.
Makina ECMO, e quajtur shpesh "një nga format më të arrira për të mbajtur në jetë njerëzit. Kjo pajisje përdor një pompë për të qarkulluar gjakun e një pacienti përmes një mushkërie artificiale. Mushkëria artificiale shton oksigjen dhe nxjerr dioksid karboni përpara se gjaku të kthehet te pacienti. ECMO ndihmon në sigurimin e oksigjenit të mjaftueshëm për një pacient ndërsa lejon kohë që mushkëritë ose zemra të pushojnë dhe shërohen. Procesi është sfidues dhe rrit rrezikun e pacientit për koagulim dhe gjakderdhje, por mjekët në Shtetet e Bashkuara dhe në mbarë botën po e përdorin atë për të trajtuar disa raste të rënda të Covid-19.
Ross Bremner, i cili trajtoi Viddal tha:
Viddal, babai i tre fëmijëve, e konsideronte veten një person aktiv dhe të shëndetshëm. Ai kishte përjetuar një dhimbje koke të tmerrshme dhe i dhembte fyti në të njëjtën kohë, por kurrë nuk e imagjinonte se për këto gjëra të thjeshta do të kalonte dy muaj në spital.
Viddal thotë se ishte intubuar një ose dy ditë pasi u pranua në spital. Por askush nuk e dinte që ai kishte Covid-19 për ca kohë. Ai thotë se rezultoi tre herë negativ kur bëri testin, madje edhe kur mjekët morën një mostër nga mushkëritë e tij.
Karl Viddal iu nënshtrua për disa javë terapive fizike për të rifituar forcën dhe lëvizshmërinë e tij pasi ai kishte qëndruar për një kohë të gjatë në ventilator dhe pajisjen ECMO.
Burimi:CNN|Përktheu dhe Përshtati: JOQ-Albania.