Nuk ka qetësi në Premier League. Teksa po bëhet gati rinisja e futbollit, katër raste me COVID-19 janë konfirmuar te tri skuadra të ndryshme në këtë kampionat,
Lajmin e ka konfirmuar Federata angleze nëpërmjet një njoftimi zyrtar. Në njoftim thuhet se më 25 dhe 26 maj janë bërë 1008 testime të lojtarëve dhe stafit të skuadrave dhe katër prej tyre janë pozitivë.
Premier League fillimisht më 17 dhe 18 maj kishte testuar 748 persona, ku gjashtë prej tyre dolën pozitive nga tri klube të ndryshme.
Më 19 deri më 22 maj janë bërë 996 testime tjera, ku rezultuan pozitivë dy persona, nga dy klube të ndryshme, ndërsa tani rastet e reja janë 4. Në këto kushte, ende është në dyshim rifillimi i kampionatit.