“Rinis jeta në pyjet e shkrumbuara nga flakët”/ Lind koala e parë në një park të kafshëve të egra në Australi

Një park i kafshëve të egra në Australi po feston lindjen e koalës së saj të parë, pasi zjarret përfshinë një pjesë të madhe të pyjeve në Australi vitin e kaluar.

Video e lindjes së Koalas “foshnje” u virale në Facebook dhe u postuar nga punojësit e Parkut Australian të Reptileve afër Sidneit.

Titulli i videos ishte:

Ne kemi një njoftim shumë të veçantë. Koala jonë e parë që nga viti i shkuar ka ardhur në jetë

Rojtarët e kanë emëruar foshnjën Ash, dhe parku e quan atë "një shenjë shprese për të ardhmen e jetës së egër amtare të Australisë. Parku ka vendosur të rihapet të hënën, pas masave të bllokimit të koronavirusit të Australisë, sipas një njoftimi tjetër në Facebook.

Ndërsa Ash sjell një rreze dielli në park, zjarret që shkatërruan Australinë në gjysmën e dytë të vitit 2019 shkaktuan dëme të tmerrshme në popullatat e koalës. Tani ekziston një kërcënim i madh për zhdukjen e koalës. Të paktën 5000 koala vlerësohet të kenë vdekur, sipas raportit të grupit global të ruajtjes Fondi Ndërkombëtar për Mirëqenie të Kafshëve (IFAË).

Një zëdhënës i Fondit Ndërkombëtar për Mirëqenien e Kafshëve, Jeta Sharrad tha:

Koalat janë veçanërisht të prekshëm ndaj zjarreve, pasi ato lëvizin ngadalë dhe jetojnë në pemë që digjen shpejt dhe intensivisht. Kur zjarret përfshijnë shtëpitë e tyre, ata shpesh nuk kanë kohë për të shpëtuar.

Burimi:CNN| Përktheu dhe Përshtati: JOQ-Albania