Delegacioni i Bashkimit Europian në Tiranë ka dënuar dhunën e Policisë Bashkiake të Tiranës ndaj një të riut rom që po mblidhte kanaç e mbeturina për të siguruar bukën e gojës.
Skena e rrahjes së tij, e cila u filmua nga një kalimtar, bëri mjaft bujë në mediat sociale dhe shkaktoi indinjatë e zemërim te qytetarët.
Delegationi ka përshëndetur edhe vendimin e Avokatit të Popullit për nisjen e hetimeve në lidhje me rastin.
Një nga punonjësit e delegacionit të BE-së në Tiranë deklaroi për gazetarin Gjergj Erebare të BIRN:
Duhet theksuar se Bashkia e Tiranës nuk ka bërë asnjë reagim në lidhje me këtë skandal.
Kjo nuk është hera e parë që Policia Bashkiake e Tiranës përfshihet në akte të tilla vandale ndaj qytetarëve të thjeshtë.
Organizatat e shoqërisë civile e kanë konsideruar si të paligjshme dhunën sistematike të ushtruar nga Policia Bashkiake ndaj qytetarëve "hallexhinj", të cilët detyrohen të bëjnë punë të rëndomta për të siguruar mbijetesën.
Në një intervistë për Ora News, i riu rom deklaroi se pasi e rrahën, policët bashkiakë i dhanë dy mijë lekë dhe u larguan. Ai e denoncoi dhunën në komisariatin nr.6.