Në Bashkinë e Elbasanit, fshati Godolesh shquhet për prodhimin e madh të qershive. Tregtarët e kryeqytetit shkojnë në qendër të këtij fshati, ku kryhet grumbullimi i qershive të cilat janë tepër cilësore.
Por fermerët nuk janë të kënaqur pavarësisht kërkesave të tregtare. Ata kanë treguar për mediat se çmimi nuk justifikon shërbimet dhe mundin e një viti. Fermerët kanë treguar se mungesa e tregut bën që pjesa më e madhe e qershive të shkojë dëm.
Një ndër problemet më të mëdha është mungesa e rrugëve që lidhin qendrën e fshatit me parcelat e mbjella dhe sic thonë ata, qeveria nuk ka ofruar asnjë zgjidhje për ta. Prodhuesit tregojnë se edhe këtë vit ka prodhime të jashtëzakonshme, por për shkak të mungesë të infrastrukturës dhe çmimi i ulët nuk ia vlen që të tregtohet ky produkt. Fermerët janë shprehur se për ta është e çuditshme, mungesa e mbështetjes së qeverisë vendore dhe asaj qendrore. Më tej fermerët kanë treguar se janë të paktën 700 familje që kultivojnë qershi në 250 hektarë.