Mario Balotelli nuk po zë qetësi në karrierën e tij. Mediat italiane raportojnë se Brescia mendon të ndërpresë kontratën e tij në Lombardi.
Dje, trajneri Diego Lopez dhe pjesa tjetër e skuadrës u stërvitën në fushat e rregullta, por Balotelli mungoi.
Thashethemet për një ndarje totale midis sulmuesit italian dhe klubit të Presidentit Massimo Cellino u shfaqën në gjithë shtypin italian.
Balotelli është rikthyer sot në stërvitje, por marrëdhënia e tij me Brescia është përkeqësuar dhe janë dëgjuar diskutime për një anulim të kontratës.
Së shpejti 30-vjeçari duket se do të largohet nga klubi i tij i lindjes pas vetëm një sezoni edhe pse kontrata e tij aktuale nuk skadon deri në qershor 2022.
