Myslim Murrizi, deputeti nga opozita e re ka bërë sot në Komisionin e Ligjeve, prezantimin e një projektligji të ri, ku propozohet përjashtimi nga funksionet drejtuese të zyrtarëve dhe politikanëve të dyshimtë, duke shtuar se këta persona mund të jenë punonjës në administratë, por jo në postet drejtuese.
Ai kërkoi ndihmë dhe mbështetje nga anëtarët, por këta të fundit u shprehën se ata që kanë patur të tilla postë vite më parë, tashmë kanë mbushur moshën 60 vjeç dhe nuk mbajnë më poste publike.
Ndër të tjera, Murrizi ka nxjerrë disa nofka të ish-spiunëve që kanë futur këmbët në politikë dhe përmenden shpeshherë gjatë seancave parlamentare gjatë debateve.
Ai deklaroi:
Unë nuk mund të jem “fair” me drejtësinë e re kur shoh në KLP, KLGJ, Prokurorinë e sotme, ish-kryetarin e hetuesisë së Krujës që duan të jenë apo janë në KLP dhe KLGJ, njerëz që kanë ushtruar funksionet hetuesi dhe oficer në sigurimin e shtetit aspirues për drejtues të kësaj drejtësie shqiptare. Që tani në moshën 60 e kusur të aspirojnë në këtë poste drejtuese pas 30 vitesh kur kemi shumë studentë që kanë mbaruar pas ’91 fakultetin e drejtësisë. Jo pak herë në sallën e Parlamentit , në media për interesa meskine kanë bërë shou politik, duke akuzuar si bashkëpunëtorë, madje duke iu përmendur pseudonime si Korani i Myzeqesë, Gaforrja, Çakmaku, Stilolapsi. Koha e gaforreve, e Çiftelisë e koranit, Çorapeve dhe Rrjepësit duhet të marrë fund një herë e përgjithmonë, që të mos jenë më pjesë e vendimmarrjeve të qytetarëve shqiptarë.
Murrizi u shpreh se nëse një projektligj i tillë miratohej, atëherë më shumë se 300-400 zyrtarë nga 2000 në total që kanë poste drejtuese dhe janë zgjedhur nga Parlamenti në institucionet shtetërore, do të eliminoheshin.
Murrizi shtoi:
Në këto debatet për teatrin e fundit ka edhe aty plot njerëz me pseudonimet e tyre, që tani duan të jenë pjesë e politikës dhe të shfaqen si shpëtimtarë të demokracisë dhe po hyjne neper vale te televizioneve. Ka edhe aty pse pseudonime qe do te habiteni. Libri dhe librat e ish-sigurimit te shtetit nuk duhet te na derdellisin me dhe te dominojne politiken.