"Koronavirusi" është ende duke penguar qytetarët shqiptarë në zhvillimin e disa aktiviteteve, e kjo prej fashave të orarit dhe masave që qeveria akoma i mban ndaj popullit. Lidhur me këtë ka folur edhe mjeku infeksionist, Pëllumb Pipero.
Në një intervistë për Abcnews, ai ka deklaruar se tashmë është koha që vendi të hapet.
Pipero theksoi se në këtë fazë ku jemi virulenca dhe mënyra e transmetimit të virusit është në rënie, ndaj për këtë duhet të jemi më të guximshëm dhe fleksibël.
Ai u shpreh:
Unë jam mbështetës për hapjen më të shpejtë në këtë fazë, unë mbështetet në disa indikatorë, që janë ato epidemiologjik ku shifrat janë në ulje dhe një numër i madh i pacientëve janë pa simptoma. Pjesa më e madhe e të infektuarve nuk kanë simtoma dje kemi pasur vetëm tre persona, indikatorët klinikë na e bëjnë me të thejshtë ta themi këtë. Nëse deri më tani fashat e orareve kanë qenë javore, tashmë duhet të jemi më të shpejtë dhe të guximshëm. Hapja në këtë periudhë nuk na dëmton, por na ndihmon dhe me ekspozimin. Qytetarët duhet të ruajnë distancën, nëse i duhet të rrijë më shumë që 15 minuta të rrijë vetëm, virulenca ka rënë, transmetueshmëria ka rënë dhe ne duhet të jemi më fleksibël dhe të guximshëm.
Gjithahstu mjeku shtoi se uji i detit nuk e transmeton virusin, por nëse një qytetar do të infektohet është e rëndësishme që të eleminojë sa të mundët ekspozimet në diell.
Pipero tha:
Ky virus është vërtetuar nga studimet se nuk transpemtohet përmes ujit aq më tepër nga uji i detit, por për fat të keq ne kur shkojmë në plazh shkojmë për qefin e botës jo tonin, distanca fizike duhet të ruhet dhe nëse infektohemi nuk duhet të ekspozohemi shumë.