Një aksident i rëndë është regjistruar të shtunën në mbrëmje në Monsampolo të Italisë. Një 27-vjeçar në gjendje të dehur ka përplasur për vdekje një 59-vjeçar italian, teksa ky i fundit ishte duke lëvizur me biçikletë.
Shqiptari drejtonte automjetin në gjendje të dehur dhe pasi ka përplasur të moshuarin është larguar me shpejtësi nga vendngjarja.
Më pas është bërë i mundur arrestimi i tij.
Mediat italiane shkruajnë se shqiptari kishte festuar me me miqtë fundin e karantinës. Në makinë ai ndodhej me shokun e tij, i cili po flinte në sendiljen e pasme.
Kur ka përplasur të moshuarin ai është shprehur se nuk mban mend asgjë. Shqiptari jeton bashkë me të dashurën e tij dhe punon në një fabrikë.
Viktima ishte babi i tre fëmijëve dhe i apasionuar pas motocikletave.
Burimi: ilrestodelcarlino.it | Përktheu dhe Përshtati: JOQ ALBANIA