JOQ Albania
Home

E rrëmbyen në sy të së ëmës, gjendet i pajetë në liqen 9-vjeçari
Shkruar nga: G Hasani | Publikuar më: 22/05/2020 16:14

  • Share
  • Share
  • Share
  • Share

Një djalë autik nëntë vjeç nga Florida, i cili u rrëmbye nga makina e nënës së tij nga dy burra që kërkonin drogë, u gjet i vdekur në një liqen këtë mëngjes.

Autoritetet në Miami konfirmuan ditën e sotme se, trupi i zbuluar duke lundruar në një liqen në zonën e SW 62 Street ishte ai i Alejandro Ripley.

Departamenti i zbatimit të ligjit në Florida, natën e së enjtes lëshoi një alarm për Alejandro, i cili ishte rrëmbyer, por sot u anulua,pasi fëmija u gjet i vdekur.

Deri më tani, nuk janë njoftuar arrestime në lidhje me rrëmbimin dhe vdekjen e djalit.

Alejandro u tërhoq nga makina e nënës së tij nga dy burra të veshur me të zeza që drejtonin një makinë të kaltër me dy dyer.

47-vjeçarja Patricia Ripley, ishte duke ecur me makinë në zonën Hammocks të qytetit, kur ajo vuri re një makinë duke e ndjekur pas saj.

Pas pak, automjeti e detyroi gruan të dalë nga rruga dhe u përplas me makinën e saj për ta bllokuar.

Një pasagjer mashkull më pas doli nga automjeti i tij, iu afrua Ripley dhe i kërkoi drogë, dhe pasi ajo mohoi të kishte diçka të tillë, banditi rrëmbeu celularin e saj dhe nxori djalin nga automjeti.

Burimi:Daily Mail|Përktheu dhe Përshtati: JOQ Albania