“Ka një kurë”/ Kompania bioteknologjike pretendon se ka zbuluar antitrupin që bllokon koronavirusin

Shkencëtarët në një kompani bioteknike në Kaliforni kanë gjetur një antitrup që bllokon plotësisht koronavirusin dhe janë shprehur se e kanë gjetur kuren e Covid-19. Sorrento Therapeutics, në San Diego, pretendon se antitrupi STI-1499 mund të ndalojë koronavirusin që të prek qelizat.

Në një njoftim për shtyp, Sorrento tha se mund të prodhojë deri në 200,000 doza të antitrupave në muaj, një afat kohor prodhimi që ka mund të zgjidhë problemin e madh që ka bota tashmë. Kompania ka paraqitur një kërkesë për miratim nga Administrata e Ushqimit dhe Barnave e SHBA (FDA), por ende nuk ka marrë një përgjigje. Aksionet për Sorrento u rritën me gati 220 për qind sapo doli njoftimi.

Henry Ji drejtori ekzekutiv i kompanisë thotë se:

Ne duam të theksojmë se ekziston një kurë. Ekziston një zgjidhje që funksionon 100 përqind. Nëse ne kemi antitrupin neutralizues për trupin tuaj, nuk keni nevojë për distancimin shoqëror. Ju mund të lehtësoni masat pa frikë

Antitrupi ende nuk është testuar te njerëzit, kështu që si dihet si mund të sillet brenda trupit dhe efektet e mundshme anësore të tij. Antitrupi i quajtur STI-1499 është një qelizë imune që neutralizon patogjenët si koronavirusi.

Ky koktej antitrupash mund të veprojë si një 'mburojë mbrojtëse' për qelizat, duke parandaluar Covid-19. Ai bllokon virusin nga porta kryesore e tij, një receptor në sipërfaqen e qelizave njerëzore, receptori ACE2.

Ji tha:

Ky antitrup rrethon virusin dhe i largon ata nga trupi. Kur antitrupi parandalon hyrjen e një virusi në qelizën njerëzore, virusi nuk mund të mbijetoj.

Shumë kompani dhe universitete në të gjithë botën po hulumtojnë për gjetjen e një vaksine apo medikamenti, në mënyrë që t’i japin fund pandemisë së Covid-19. Hulumtimet deri më tani kanë nisur nga përdorimi i plazmës së gjakut nga pacientët e rikuperuar, që mendohet se përmban antitrupa për të trajtuar njerëzit që ende vuajnë nga infeksioni.

Ji shtoi:

Ne në Sorrento po punojmë ditë e natë për të përfunduar hapat e nevojshëm për ta aprovuar këtë produkti dhe të shpëtojmë publikun që po pret.

Burimi: Daily Mail| Përktheu dhe Përshtati: JOQ-Albania