Një lajm i bujshëm vjen nga Formula 1. Viti 2020 do të jetë i fundit për pilotin gjerman, Sebastian Vettel, në drejtimin e Ferrarit.

Lajmi është zbuluar nga vetë 32-vjeçari, i cili ka komunikuar divorcin me "kokëkuqen".

Vettel u shpreh:

Skuadra dhe unë kemi kuptuar se nuk ka më një vullnet të përbashkët për të vazhduar së bashku pas përfundimit të këtij kampionati.

Me këtë deklaratë, ai ka lenë të kuptohet se e ardhmja e tij do të jetë larg skuderisë italiane. Vettel është pjesë e Ferrarit që në vitin 2015 dhe tashmë kishte ardhur koha që ai t’i japë fund aventurës.

Vitin e kaluar të dy pilotet e Ferrarit u përplasën shpesh në pistë dhe duket se skuderia ka zgjedhur të mbështesë të riun Sharl Leklerk, duke e cilësuar si pilotin e të ardhmes.