Shfrenimi i mjekëve shqiptarë me birra e muzikë në hotel, Rilindja i mbushi me 3000 euroshe ata kthehen me -500

Shkruar nga: G Hasani | Publikuar më: 30.04.2020, 14:21

Buja e madhe dhe falenderimet e përzemërta nuk munguan ndaj mjekëve dhe infermierëve që vunë mbi shpatulla "armët" për të luftuar koronavirusin në Itali, vend i cili po gjunjëzohej nga armiku i padukshëm.

Mediat shqiptare, por edhe ato fqinje trumpetuan gjestin e mirësisë dhe dashurisë së popullit shqiptar, i cili nuk e harron historinë.

Të gjitha meritat i mori Edi Rama, mediat italiane i pushtoi ai, gënjeshtrat mbi historitë e emigrimit i bëri të dukeshin filma dhe në një moment italianët kërkuan që ta kishin kryeministër. Ah sikur të na e merrnin.

Sot këta “heronj” kthehen në Tiranë, por çuditërisht me kokën ulur. Misioni i tyre u mbyll në mënyrën më të keqe që mund të mendohej.

Të dehur nga lavdërimet e shumta dhe nga reklama e qeverisë ata janë mbyllur në dhomën e hotelit në Brescia dhe kanë festuar me alkool e muzikë, a thua sikur pandemisë i erdhi fundi.

Ky lajm pushtoi mediat italiane, duke na zbehur së tepërmi gjestin e mirësisë dhe solidaritetit tonë. Mjekët dhe infermierët shqiptarë janë gjobitur me 500 euro, pasi kanë thyer rregullat e karantinës edhe pse këtë e kanë bërë edhe më parë.

Shpesh ata shiheshin teksa publikonin foto duke mos ruajtur distancën sociale, çka tregonin një shembull jo të mirë për detyrën që kanë.

Tashmë mjekët që do të paguhen nga qeveria shqiptare, do të kthehen në atdheun e tyre jo me 3000 euro siç i premtoi Rama, por me 500 më pak.

Për më tepër dy nga “misonarët” kanë kundërshtuar forcat e policisë, duke mos e ditur që ishin në një shtet me rregulla, ku ligjet zbatohen me përpikmëri. Italia nuk është si Shqipëria. Kushdo që bën diçka të gabuar ndëshkohet, pa marrë parasysh se kush është.

Është normale që asnjë shqiptari nuk i vjen mirë nga ky lajm që sot është kthyer në qendrën e diskutimeve, por në fund të ditës të shërbejë si një mësim për këdo që përfiton nga situatat dhe fjalët e mira.

Thjeshtësia e detyrës që ke do fitojë më shumë respekt sesa trumpetimi i misionit që merr.

JOQ ALBANIA

PERSONAZHI I VITIT 2021
KLIKO PËR TË VOTUAR
  • Elvis Naçi
    Drejtuesi i Fondacionit "Firdeus", i njohur si mirëbërësi i shqiptarëve të varfër me punën e tij të palodhshme. Banesat që po ndërtohen për të prekurit nga tërmeti, nga fondacioni i tij janë drejt fundit.
    Arjan Sala
    Heroi i Heshtur! Security i një qendre tregtare, i cili dha jetën mes flakëve për të shpëtuar punonjësit që ishin bllokuar nga zjarri në magazinë.
    Edi Rama
    Kryeministri unik, që shpiku skemën e patronazhistëve duke përgjuar shqiptarët dhe pavarësisht kësaj ata i dhanë edhe mandatin e tretë.
    Lulzim Basha
    Kreu i PD-së, rekordmen për qëndrimin në opozitë dhe guximtar për ‘vrasjen’ e babit të tij politik, Sali Berisha.
    Sali Berisha
    Ish-kryeministri i Shqipërisë dhe ish-kreu i PD-së, i cili, pavrësisht se u shpall “Non-grata” nga SHBA dhe u përjashtua nga PD, arriti të mblidhte Kuvendin Kombëtar të partisë që themeloi dhe e rithemeloi me një pjesëmarrje masive.
    Marin Mema
    Gazetari, i cili u angazhua në rindërtimin e banesave të rrënuara nga tërmeti dhe arriti të dorëzonte brenda disa muajsh çelsat tek qytetarët.
    Altin Goxhaj
    Avokati i njohur në Shqipëri, i cili ngre gjithnjë zërin publikisht ndaj shkeljes të së drejtave të qytetarëve të thjeshtë nga shteti.
    Klodian Elqeni
    I riu, i cili shkelmoi shoferin e çmendur që hyri me makinë në sheshin Skënderbej duke i rrezikuar jetën qytetarëve. Ai fluturoi mbi dritaren e makinës duke neutralizuar agresorin.
    Armando Broja
    Futbollisti i Kombëtares Shqiptare që po shkëlqen në kampionatin anglez. Performancë fantastike edhe me Kombëtaren shqiptare.
    Distria Krasniqi dhe Nora Gjakova
    Dy xhudistet nga Kosova që fituan medalje të artë në Lojërat Olimpike në Tokyo.
    Albin Kurti
    Kryeministri i Republikës së Kosovës, i cili fitoi zgjedhjet sërish dhe arriti të krijojë qeverinë e re në Kosovë.
    Lylzim Sulejmani
    Shqiptari nga Presheva, i cili arriti të shpëtonte 7 shqiptarë të Maqedonisë së Veriut nga autobusi, që shpërtheu në flakë në Bullgari.
Më të Lexuarat
Shkarkoni aplikacionin JOQ ALBANIA në platformat
Më të fundit