Mbërrin stafi mjekësor nga Serbia, do të shërbejnë në komunat me shumicë serbe në Kosovë

Raportohet se mjekë, infermierë e teknikë shëndetësorë kanë ardhur nga Serbia në Kosovë. E ditur bëhet se ata do të shërbejnë në komunat me shumicë serbe në Kosovë.

Këtë kërkesë e ka bërë kryetari i komunës së Graçanicës dhe Ministria e Shëndetësisë së Kosovës po ashtu edhe Ministria të Punëve të Brendshme dhe Administrata Publike kanë dhënë leje që stafi mjekësor nga Serbia të vijë në Kosovë.

Ministria e Shëndetësisë në Kosovë ka bërë të ditur për ‘ gazetën ekspress’:

Kryetari i Komunës së Gracanices Srgjan Popoviq, i ka kërkuar MSh-së që përmes Ministrisë së Punëve të Brendshme të lejojë një grup të mjekëve, infermierëve dhe teknikëve nga Serbia që të qëndrojnë në këtë komunë, me qëllim që të ndihmojnë qytetarët e kësaj komune rreth Covid-19. Meqë qëllimi i vizitës është për qëllime humanitare-shëndëtesore, MSh ka miratuar kërkesën dhe do të veprojmë me procedura të shpejtuara për të lejuar secilin ekip mjekësor nga cilido vend që për qëllim ka kontrubutin që të ndihmohen qytetarët për t’u ballafaquar me Covid-19.

Nuk është bërë e ditur se sa mjekë, infermierë nga Serbia kanë ardhur në Kosovë. Ministria e Shëndetësisë në Kosovë nuk ka dhëë detaje për këtë gjë.

Deri më tani në gjithë Kosovën janë shëruar 59 persona nga koronavirusi. Ndërsa tetë veta kanë humbur jetën në Kosovë si pasojë e koronavirusit.

Ata vuanin edhe nga sëmundje të tjera. Thirrjet për të qëndruar në shtëpi vazhdojnë edhe në Kosovë. Thirrjet nuk kanë ndalur as për të respektuar higjenën personale dhe distancimin social.