Episode të pazakonta janë regjistruar në Holandë, ku protestuesit sulmuan disa kulla transmentuese të telefonisë celulare në të gjithë vendin, në kundërshtim të teknologjisë 5G.
Protestuesit iu vunë flakën kullave të transmetimit të rrjetit 5G në qytetet Roterdam, Liessel, Bessd dhe Nuenen, duke i dëmtuar rëndë ato.
Ky zhvillim është cilësuar tejet shqetësues nga autoritetet holandeze.
Protestuesit dyshohet se janë ndikuar nga një prej teorive konspirative më të përfolura të momentit, e cila e cilëson teknologjinë 5G si shkaktare të përhapjes së koronavirusit.
Lajmi u bë i ditur për mediat holandeze nga Rob Bongelaar, i cili është drejtor i Fondacionit Monet, një agjenci që mbikëqyr vendosjen e kullave të sinjalit dhe që luan rolin e ndërmjetësit midis qeverisë dhe kompanive celulare.
Ai tha:
Operatorët po punojnë maksimalisht për të mirëmbajtur në punë rrjetin celular, gjë e cila kompleksohet shumë në këto ditë të vështira.
Bongelar tha për median De Telegraaf se në një prej kutive të transmetimit që u sulmuan ishin shkruar fjalët "F*ck 5G".
Media holandeze gjithashtu raportoi edhe një incident tjetër në qytetin verior të Groningen, ku tentua t'i vendosej zjarri një antene të rrjetit 5G.
Autoritetet holandezer raportuan se janë regjistruar incidente të shumta te antenat e transmetimit gjatë javës së kaluar, që përfshijnë zjarrvëniet dhe sulmet.
NCTV, agjenci shtetërore që merret me Sigurinë dhe Antiterrorin, deklaroi:
Grupe të ndryshme në Holandë kanë kundërshtuar rrjetin 5G, kryesisht për shkak të shqetësimeve të ndryshme shëndetësore, siç është rrezatimi i valëve, që sipas tyre mund të jetë i dëmshëm për shëndetin e njeriut.
Ndërkohë, pak ditë më parë sulme të tilla ndodhen edhe në Britaninë e Madhe, ku u sulmuan disa kulla transmetuese të rrjetit 5G, të cilave iu vu flaka.
Burimi: DW|Përktheu dhe Përshtati: JOQ Albania
Foto ilustruese
