Belgjika ka regjistruar sot numrin më të lartë të vdekjeve nga koronavirusi brenda një dite.
Autoritetet belge raportojnë se në 24 orët e fundit humbën jetën 283 persona si pasojë e Covid-119, duke e çuar në 2523 numrin total të viktimave.
Këtë të enjte janë konfirmuar edhe 1580 raste të reja të koronavirusit, duke e çuar në 24,983 numrin e përgjithshëm të personave të infektuar.
Megjithatë, me trendin aktual, numri i pacientëve të shtruar në spital vijon të ulet. Në 24 orët e fundit raportohet se janë shëruar plotësisht 483 pacientë, të cilët kanë lënë ambientet e spitalit.
Në total, 5590 pacientë ndodhen të shtruar në spital, ndërkohë 1285 prej tyre janë në kujdes intensiv.
Qeveria belge njoftoi më herët se do të shtojë një fond prej 150 miliard eurosh, që do t'u shpërndahet të gjithë njerëzve që humbën punën për shkak të krizës së koronavirusit.
Në Belgjikë, masat kufizuese lejojnë njerëzit të dalin nga shtëpitë e tyre vetëm për të blerë ushqime dhe ilaçe, për t'u vizituar në spital, për të ndihmuar dikë në nevojë ose për të shkuar në punë.
Vetëm supermarketet dhe farmacitë qëndrojnë të hapura, ndërsa baret e restorantet lejohen vetëm të ofrojnë ushqim me shërbimin katering.
Që kur u shfaq në Kinë dhjetorin e kaluar, virusi potencialisht vdekjeprurës është përhapur në të paktën 184 vende dhe rajone.
Gati 1.5 milion raste janë raportuar në të gjithë botën, ku më shumë se 89 mijë persona kanë humbur jetën dhe rreth 300 mijë të tjerë janë shëruar.
Burimi: Anadolu Agency|Përktheu dhe Përshtati: JOQ Albania