Ka shkuar në 23 numri i viktimave nga koronavirusi në Shqipëri.
Pasditen e sotme, ka ndërruar jetë në spitalin Infektiv në QSUT një paciente 72-vjeçare nga Tirana, e konfirmuar me Covid-19.
Lajmi është bërë i ditur nga ministria e Shëndetësisë dhe Mbrojtjes Sociale.
E ndjera ndodhej në terapi intensive prej disa ditësh. Gjendja e saj shëndetësore u përkeqësua së tepërmi gjatë ditës së sotme, ku u intubua, por pavarësisht trajtimit mjekësor dhe përpjekjeve të mjekëve, ajo nuk mundi dot të mbijetonte.
72 vjeçarja vuante nga disa sëmundje bashkëshoqëruse: insuficenca renale kronike, hipertensioni dhe hipotiroidizëm.
Kujtojmë këtu që viktima e 22-të e koronavirusit në Shqipëri u shënua tre ditë më parë.
